எமகாதகி திரை விமர்சனம் !

'எமகாதகி' திரைப்படம் ஒரு கிராமத்து பின்னணியில் அமைந்துள்ள கிரைம் திரில்லர் ஆகும். இயக்குநர் பெப்பின் ஜார்ஜ் ஜெயசீலன் இந்த படத்தை இயக்கியுள்ளார். படத்தின் கதையில், ஊர் தலைவர் ராஜூ ராஜப்பன் மற்றும் அவரது மனைவி கீதா கைலாசத்திற்கு ஒரு மகன் (சுபாஷ் ராமசாமி) மற்றும் ஒரு மகள் (ரூபா கொடுவாயூர்) உள்ளனர். ரூபா மூச்சுத்திணறல் பிரச்சனையால் சுவாச மருந்துகளை அடிக்கடி எடுத்துக் கொள்கிறார். கிராமத்தில் நடைபெறும் கொடை விழாவின் போது, சுபாஷ் ராமசாமி கோயில் க்ரீடத்தை திருடுகிறார். குடும்பப் பிரச்சனைகளின் காரணமாக ரூபா தற்கொலை செய்து கொள்கிறார், ஆனால் குடும்பத்தினர் அதை மூச்சுத்திணறல் காரணமாக ஏற்பட்ட மரணம் என்று வெளிப்படுத்துகின்றனர். ரூபாவின் பிணத்தை அகற்ற முயற்சிக்கும் கிராம மக்கள் பல முயற்சிகளிலும் தோல்வியடைகின்றனர், இது படத்தின் முக்கிய திருப்பமாகும்.

நாயகி ரூபா கொடுவாயூர், தமிழில் முதல் படமாக இருந்தாலும், தமிழ் உச்சரிப்புகளை அழகாக பேசி, கிராமத்து பெண்ணாக தன் கதாபாத்திரத்தை சிறப்பாகச் செய்துள்ளார். நாயகனாக நடித்த நரேந்திர பிரசாத், தனது காதலியிடம் காட்டும் அன்பும் கோபமும் மூலம் பாராட்டப்படுகிறார். சுபாஷ் தனது நடிப்பால் பாராட்டைப் பெறுகிறார், மேலும் அவரை ஹீரோவாக பார்க்கும் வாய்ப்பும் உள்ளது. ராஜூ ராஜப்பன் மற்றும் கீதா கைலாசம் தங்கள் கதாபாத்திரங்களை உணர்ச்சிகரமாக நடித்துள்ளனர். படத்தில் 30க்கும் மேற்பட்ட தியேட்டர் ஆர்கெஸ்ட்ராக்கள் அறிமுகப்படுத்தப்பட்டுள்ளனர், அவர்கள் தங்கள் நடிப்பில் பளிச்சிடுகின்றனர்.

சுஜித் சாரங்கின் ஒளிப்பதிவு, ஜெசின் ஜார்ஜின் இசை, ராஜேந்திரனின் வசனங்கள், ஜோசப் பாபீனின் கலை, ஸ்ரீஜித் சாரங்கின் எடிட்டிங் ஆகியவை படத்திற்கு கூடுதல் பலம் சேர்க்கின்றன. இயக்குநர் பெப்பின் ஜார்ஜ் ஜெயசீலன், சாதியை மையமாகக் கொண்டு கிராமத்து கிரைம் திரில்லரை உருவாக்கி, பேச முடியாமல் தவிக்கும் பெண்களின் குரலாக 'எமகாதகி'யை வழங்கியுள்ளார்.

ஆக மொத்தத்தில் அனைவரும் குடும்பத்துடன் பார்க்கக்கூடிய திரைப்படம் 

Rating : 3 / 5 

Marveltamilnews.com