வீர தீர சூரன் - பாகம் 2: திரை விமர்சனம் !

தமிழ் சினிமா உலகில் முன்னணி நடிகரான சீயான் விக்ரம் நடிப்பில் வீர தீர சூரன் - பாகம் 2: 

மற்றும் நடிகை துஷாரா விஜயன், எஸ் ஜே சூர்யா , புருத்விராஜ் , சுராஜ் மற்றும் பலர் நடித்துள்ளனர். 

திரைப்படத்தை இயக்கியுள்ளார் இயக்குனர் அருண்குமார். 

கதையின் ஆரம்பமே : 

ஒரு இரவில் நடக்கும் சம்பவம்.

மதுரையைச் சேர்ந்த பெரிய குடும்பம் எதிர்கொள்ளும் பிரச்சனை, அதன் பின்னணியில் உள்ள சூழ்ச்சிகள், அதன் தாக்கத்தால் காவல் துறை மற்றும் கதையின் நாயகன் விக்ரம் எப்படி ஈடுபடுகிறார் என்பதையே ‘வீர தீர சூரன் - பாகம் 2’ விவரிக்கிறது. முதல் காட்சியிலேயே பார்வையாளர்கள் கதையில் பிணைக்கப்பட்டு விடுவார்கள். அதன் பின்னர், விக்ரமின் நுழைவு, அதனுடன் வரும் திருப்பங்கள் மற்றும் மிரட்டலான ஆக்‌ஷன் காட்சிகள் திரைமுழுவதும் பரபரப்பாக இருக்க செய்கின்றன.

கதை மற்றும் திரைக்கதை:

பெரிய குடும்பம், போலீஸ் எஸ்.பி எஸ்.ஜே.சூர்யா, மற்றும் விக்ரம் என்பவர்களுக்கு இடையே நிகழும் மோதல் தான் கதையின் முதன்மையான தூணாக செயல்படுகிறது. முதலில், அமைதியாக குடும்பத்தோடு வாழ்ந்து வந்த விக்ரம், பழைய உறவுகளால் திரும்ப களத்தில் இறங்குவதை திரைக்கதை மெருகாக அணுகுகிறது. விக்ரம் ஏன் பெரியவரிடமிருந்து விலகினான்? காவல் துறையுடன் குடும்பத்திற்கும் இருக்கும் பகை? என்கவுண்டரில் இருந்து எப்படி தப்பிக்க முடியும்? போன்ற கேள்விகளின் பதிலை ஆக்‌ஷன் மற்றும் செண்டிமெண்ட் கலந்து அமைத்திருக்கிறார் இயக்குநர்.

நடிப்பு மற்றும் கதாபாத்திரங்கள்:

விக்ரம் ஒரு நேர்த்தியான குடும்பஸ்தனாகவும், ஒரு தீவிரமான போராளியாகவும் தனது நடிப்பில் கணிசமான வித்தியாசத்தை காட்டியிருக்கிறார். கோபம், பயம், தவிப்பு, எதிர்ப்புகள் – அனைத்தும் மிகச்சரியாக வெளிப்படுத்தியிருக்கிறார். குறிப்பாக, காவல் நிலையத்தில் ஜட்டியுடன் நுழைந்து நடிக்கும் அசத்தல் காட்சி மாஸாக செதுக்கப்பட்டுள்ளது.

துஷாரா விஜயன், விக்ரம் மனைவியாக அவரது பயம் மற்றும் எதிர்ப்புகளை நன்றாக வெளிக்காட்டியிருக்கிறார். கணவருக்காக எதையும் செய்யத் தயங்காமல் கதாபாத்திரத்தை சிறப்பாக வெளிப்படுத்தியிருக்கிறார்.

எஸ்.ஜே.சூர்யா, தனது வழக்கமான பாணியை தாண்டி, காவல்துறை அதிகாரியாக பல அடிமட்டங்களை கொண்ட நடிப்பை வெளிக்காட்டியிருக்கிறார். அவரது திட்டங்கள், சூழ்ச்சிகள் அனைத்தும் கதையில் முக்கிய இடத்தை பிடிக்கின்றன.

புருத்விராஜ் மற்றும் அவரது மகன் சுராஜ் வெஞ்சரமூடு ஆகியோரும் திரைக்கதைக்கு துணைபுரியும் வகையில் அவர்களது கதாபாத்திரங்களை உயிர்ப்பித்திருக்கிறார்கள்.

இசை மற்றும் தொழில்நுட்பம்:

ஜி.வி.பிரகாஷின் பின்னணி இசை, ஆக்‌ஷன் மற்றும் உணர்ச்சி பொங்கும் காட்சிகளை வலுப்படுத்துவதோடு, படம் முடிந்த பிறகும் நினைவில் நிற்கும் அளவிற்கு அமைந்திருக்கிறது.

ஒளிப்பதிவாளர் தேனி ஈஸ்வர் இரவுக் காட்சிகளில் அவரது தனித்துவமான ஒளிப்பதிவை நிரூபித்திருக்கிறார். குறிப்பாக, பல சம்பவங்கள் ஒரே இரவில் நடந்தாலும், ஒளிப்பதிவு அதை மிகவும் இயல்பாகவும் அழகாகவும் காட்சிப்படுத்தியிருக்கிறது.

சண்டைப்பயிற்சி இயக்குநர் பீனிக்ஸ் பிரபுவின் செயல் காட்சிகள் அனைத்தும் பார்வையாளர்களை திருப்திப் படுத்தும் வகையில் இருக்கின்றன. இறுதி சண்டைக்காட்சி வெறும் போராட்டமாக மட்டும் இல்லாமல் கதாபாத்திரங்களின் கோபத்தையும் வெளிப்படுத்துகிறது.

முடிவுரை :

‘வீர தீர சூரன் - பாகம் 2’ ஆக்‌ஷன் மற்றும் செண்டிமெண்ட் கலந்த திரைப்பயணமாக இருக்கிறது. பல்வேறு கதாபாத்திரங்கள், அவற்றில் திருப்பங்கள், மிகுந்த பரபரப்புடன் நகரும் திரைக்கதை – அனைத்தும் ஒரு விறுவிறுப்பான அனுபவமாக பார்க்க வைக்கிறது. சில பான் இந்தியா அம்சங்கள் சிறிது போலியாகத் தோன்றினாலும், மொத்தத்தில், விறுவிறுப்பான திரைக்கதையுடன், பரபரப்பாக நகரும் ஆக்‌ஷன் படம் விரும்புவோருக்கு இது ஒரு கண்டிப்பான தேர்வு!

வீர தீர சூரன் - பாகம் 2: ஒரு ஆக்‌ஷன் ரசிகர்களுக்கான விருந்து 

ஆக மொத்தத்தில் அனைவரும் பார்க்கக் கூடிய திரைப்படம். 

Rating : 3.5 / 5 

Marveltamilnews.com