சூது கவ்வும் 2 திரை விமர்சனம் !

தமிழ் சினிமா உலகில் அகில சூப்பர் ஸ்டார் என்று செல்லமாக அழைக்கப்படும்

மிர்ச்சி சிவா நடிப்பில் சூது கவ்வும் 2 மற்றும் கருணாகரன், எம் எஸ் பாஸ்கர், ராதா ரவி மற்றும் பலர் நடித்துள்ளனர். இத்திரைப்படத்தை இயக்குனர் எஸ்.ஜே அர்ஜுன் இயக்கியிருக்கிறார்.

ரசிகர்கள் மத்தியில் வெற்றி பெற்றதா ?இல்லையா? என்பதை பார்க்கலாம்.

முதல் பாகம் நடைபெறும் அதே யுனிவர்சில் தான் இந்த இரண்டாம் பாகமும் நடைபெறுகிறது. சூது கவ்வும் முதல் பாகத்தின் கிளைமாக்ஸில் கருணாகரன் அரசியல் என்ட்ரி கொடுத்திருப்பார். தற்போது இந்த இரண்டாம் பாகத்தில் நிதி அமைச்சராக மூன்று முறை மக்களால் தேர்ந்தெடுக்கப்பட்டு ஆட்சி செய்து வருகிறார். ஊழல் செய்வதையே அரசியலாக வைத்திருக்கும் கருணாகரன் ஒரு கட்டத்தில் மாட்டிக் கொள்கிறார். இதற்கிடையே முதல் பாகத்தில் விஜய் சேதுபதி கடத்தல் தொழில் செய்து வருவது போல், இரண்டாம் பாகத்தில் தனக்கென்று சில கொள்கை, கோட்பாடுகளைக் கொண்டு மிர்ச்சி சிவா கடத்தல் தொழில் செய்து வருகிறார்.

அரசியல் சிக்கலில் மாட்டிக் கொள்ளும் நிதி அமைச்சர் கருணாகரனை மிர்ச்சி சிவா கடத்த, அதன் பின் என்ன நடக்கிறது? எதற்காக கருணாகரனை மிர்ச்சி சிவா கடத்துகிறார்? தனக்கு இருக்கும் பிரச்சனைகளில் இருந்து கருணாகரன் விடுபட்டாரா ? என்பதுதான் படத்தின் மீதி கதை.

 முதல் பாகத்தில் வரும் பல காட்சிகளை அப்படியே இரண்டாம் பாகத்திலும் ரீ கிரியேட் செய்துள்ளனர். அதனால் முதல் பாகம் ஏற்படுத்திய  தாக்கம் இந்த படத்திலும் உள்ளது.

கூடவே, அந்தப் படத்தில் வரும் பல காட்சிகள், நடிகர்கள் மட்டும் மாறி இந்த படத்திலும் அப்படியே வருவதால் புது படம் பார்ப்பது போன்ற உணர்வே ஏற்படவில்லை. முதல் பாகத்தில் இடம் பெற்ற கருணாகரன், எம்.எஸ். பாஸ்கர், ராதாரவி, அருள்தாஸ், சைக்கோ போலீஸ் கதாபாத்திரங்கள் இந்த படத்திலும் இடம்பெற்று இருக்கின்றன. ஆகையால் இவர்களது கலகலப்பு சூது கவ்வும் இல் உள்ளது. 

 மேலும், படத்தில் கதாநாயகனாக வரும் மிர்ச்சி சிவா மற்றும் அவர் கேங்கில் இருக்கும் நபர்கள் செய்யும் நகைச்சுவை, சில இடங்களில் நம்மை சிரிக்க வைத்தாலும்,பல இடங்களில் நம்மை சிந்திக்க வைக்கிறது. 

மிர்ச்சி சிவா மிக நன்றாக நடித்துள்ளார் மற்றும் அனைத்து கதாபாத்திரங்களும் அவர்கள் கொடுத்த வேலை மிக கச்சிதமாக செய்துள்ளனர். 

இசை மற்றும் பின்னணி இசை நன்றாக உள்ளது. 

ஆக மொத்தத்தில் அனைவரும் குடும்பத்துடன் குழந்தைகளுடன் பார்க்கக்கூடிய திரைப்படம்.

Rating : 3 / 5

Marveltamilnews.com